A CORUÑA...TÚA CASA, O TEU MUSEO.

A Cidade de A CORUÑA  coñécese como a "Cidade na que ninguén é forasteiro" e máis dende que fixeron CASAS para calquera interese: temos casa das CIENCIAS, do HOME e ata casa dos PEIXES... 

 Nesta semana do 8 ao 16 de novembro, ademáis as casas están máis abertas para todos que nunca: os tres MUSEOS CIENTÍFICOS, están de portas abertas. É a semana da CIENCIA, así que a entrada é de balde...

e  cun horario moi amplo, por se queres ir visitalos...

Pero, por se che queda lonxe ou non podes velos nestes días, será mellor que chos amosemos un pouquiño.

Ésta é a CASA das CIENCIAS

Fai un crebacabezas supersinxelo de 4 pezas premendo na imaxe superior.

A CASA das CIENCIAS é un museo científico superdivertido. 

Queres visitala por fora? 

Adiante, preme na imaxe e estarás ao seu pe.

Pero non sexas tímid@ e pasa, pasa dentro...

Nela podes ver, tocar, escoitar e gozar da ciencia ...

 Quérelo comprobar?

Se queres podes ver todos os vídeos premendo no seu logo:

 A CASA das CIENCIAS tamén se lle coñece polo seu estupendísimo PLANETARIO.
Un planetario é un lugar adicado á presentación de espectáculos astronómicos no que se poden observar recreacións do ceo nocturno de diversos lugares da Terra en diferentes momentos do ano.

Posúe unha pantalla de proxeción en forma de cúpula e un proxector planetario móvil capaz de proxectar as posicións das estrelas e planetas. Podes ver que está cheo de asentos para poder gozar do ceo.

Nel poderás observar aínda máis cousas que as estrelas e as galaxias.

É moi chulo, verdade?

Este é un vídeo feito polos mc2 titulado

 Noche estrellada en el Museo 

no que mesturan ciencia e arte, e comeza cun cadro que xa te soará, non si?

Sí, claro que era a Noite Estrelada de Van Gogh que xa viramos no Pintureiro  vai tempo. Se premes na palabra coloreada poderás ir á entrada e xogar no museos que o ten agora. 

Pero se o que queres é dispor das estrelas no teu móbil ou no ordenador, saber cómo se chaman as que ves ou buscar unha determinada,  recomendámosche unha aplicación gratis moi, moi chula: a STELLARIUM, que sirve para cáseque calquera dispositivo e sistema operativo. 

Para xogar e aprender dende aquí mismo, preme na imaxe de abaixo. Pide axuda a un maior para que cha lea se aínda non estás seguro de poder facelo por ti mesm@.
É incrible!!

Xenial, non si?

Mais baixemos das nubes e vaiamos cara o planeta Terra a descubrir outra das casas-museos científicos de A CORUÑA 

Invitámosche a coñecer a fabulosísima

CASA do HOME tamén chamada DOMUS

É o primeiro museo científico adicado ao ser humano. 

Este crebacabezas ten 6 pezas, o podes resolver premendo na imaxe.
É un edificio superchulo que está realizado por dous arquitectos; un xaponés e outro galego: ARATA ISOZAKI e CÉSAR PORTELA.

 O propio Portela ten cousas fantásticas del na súa páxina web.
Se queres saber máis desta obra de arquitectura espectacular, preme na maqueta de abaixo.

A DOMUS semella unha vela henchida de aire para navegar cos fortes ventos que temos nas praias da cidade.

Que che parece se a visitamos panorámicamente?
Preme na imaxe de abaixo e goza das vistas...

Para defendela temos un guerreiro, un soldado romano moi fachendoso que realizou un grande escultor colombiano, o xenial Fernando Botero do que podes var máis obras no PINTUREIRO.

O pobre soldado de cando en vez semella ter moito frío, así que no 2012 artes@s da Coruña lle fixeron este "vestidiño ou túnica" tan amañad@.
A esto chámaselle YARN  BOMBING

Se premes na foto che amosan cómo o fixeron e a páxina de yarn bombing na Coruña.
Olla o vídeo da montaxe:

Case que co frío que vai temos aínda máis ganas de entrar. E isto é o que imos atopar dentro da DOMUS:

Cantísimas cousas ten, verdade?
Mira cómo é por dentro. Cunha visita rapidiña primeiro...

e despois cunha máis longa. 
Chula, chula a CASA do HOME...todos o din.

Como non podemos traballar taaaantas cousas como hai aló dentro ímos ter un pouquiño de sentido e centrarnos só nunha cousa. Que che parece se falamos de sentidos un anaquiño, vale?

Para cando vais de visita á DOMUS xa saberás moito dos sentidos, queres practicar cuns xogos para aprendelo mellor? Pois adiante.

Este tamén é chulo!!

Xa fomos polo ceo co PLANETARIO, pola terra coa DOMUS e agora nos queda a última casa, a do mar:

Benvidos á CASA dos PEIXES 
ou 

"AQUARIUM FINISTERRAE"

Este crebacabezas tamén ten 6 pezas, e o podes resolver premendo na imaxe

A CASA dos PEIXES está preto da TORRE de HÉRCULES da que xa falaramos na entrada anterior. Neste AQUARIUM conviven focas, peixes e moitos máis animais e seres vivos, con exposicións variadas e xogos... Na súa porta danos a benvida un peixe ben curioso:

É obra dun artista coruñés moi especial e divertido: Jorge Peteiro, que nos deixou obras moi alegres e máxicas. 
Este é o seu PEIXE SERRA de dúas colas

Para facelo baseouse nunha antiga lenda do ano 946 que conta que uns mariñeiros avistaron tan estrano animal moi preto da Torre .

Pero voltemos ao noso tempo. 
Vexamos cómo é o AQUARIUM por dentro (aínda que ten moooito por fora)

O  AQUARIUM ten salas fabulosas que podes visitar mesmiño dende aquí, grazas a rottodigital

Sala MAREMAGNUM

Sala NAUTILUS. 
Se te fixas ben, verás ao tiburón Gastón nadando por entre os demáis animais...

Pero onde máis nos gusta estar cando imos de visita é na piscina das focas, a ver se a ti tamén che gusta...

De seguro que con este vídeo vanche quedar moitas ganas de visitalo...

Antes de rematar a visita e pechar a entrada, seguro que che apetecería xogar un pouquichiño cos peixes e animais que hai no AQUARIUM. 

Pois proba, proba:

Atopa as diferenzas...

Explora as profundidades

 Tripula o teu propio submarino amarelo...pero coidadiño, non batas coas rochas...

E por último a colorear un pouquiño

Deixámoste con este vídeo tan chulo sobre os peixes. Contarache moitas cousas e te prepará para a visita aos museos científicos !!

Agardámoste para partir contigo na próxima viaxe!!

Vivamos AMÉRICA. Visitamos...PERÚ

Tan ben nos vai por estes lares americanos que decidimos viaxar un pouquiño máis cara ó SUR e chegar ata un país moi fermoso que ten altísimas montañas, praias preciosas, grandes desertos, lagos xigantes...PERÚ

Preme na bandeira: un crebacabezas de 6 pezas estate agardando.

A nosa amiga MADLENKA coñece a un EDUARDO, o froiteiro amable, que é deste pais:

 PERÚ está moi lonxe, máis lonxe aínda que EEUU. Se queres visitalo connosco dende aquí terás que seguir este mapa. 

Preme no mapa: tamén ten un crebacabezas de 6 pezas .

Non ten perda, ¿verdade?
E sí moitas cousas que merecen ser vistas. Aínda que nós só visitaremos as que se ven nestoutro mapa:

Agora que xa sabes un pouquiño deste pais.
¿Que che parece se lle facemos unha visita inolvidable? Adiante, imos de paseo...coñeceremos PERÚ

Se visitas  PERÚ   precisas coñecer a súa moeda: son os NOVOS SOLES, ¿a que é un nome chulo para os cartos?

Unha curiosidade: aínda que a cara de diante representa a persoas peruanas famosas a parte de atrás leva animais que viven neste pais.
  PERÚ  é un país MEGADIVERSO

Estes billetes amosóunolos LÍA, que e unha veterinaria moi noviña e animadíiisima que veu polas escolas a contarnos moitas cousas da súa viaxe por estas terras ( e por outras tamén ). Pero xa vos contaremos máis cousas dela no blogue de Tics.
Seguro que nos blogues das escolas tamén a veredes.
¡¡Grazas, Lía!!

En  PERÚ , ademáis, falan en castelán aínda que cun aceno diferente ao noso, máis suave e con máis letras "eses" que lle dan ese son paseniño tan agradable. 
¿Queres escoitalo?


Si que resulta chulo, non sí? 

A capital do  PERÚ chámase LIMA :

E é unha cidade ben fermosa, coa súa praza de Armas, o museo, o circuito máxico da auga...

Pero xa che contamos que PERÚ ten moitísimo máis, espera a ver se che gusta esto...

Isto tan espectacular é o MACHU PICCHU, que quere dicir "Montaña Vella", pero xa cho explican dende a propia páxina do oficial de PERÚ premendo nas letras azuis...
Pronto no blogue da Biblioteca teremos o conto da lenda de MACHU PICCHU.
Namentres...¿Qué tal se a vemos dende o alto? 
A vista de paxaro, como se soe dicir...

¿Queres pintar esta fermosísima maravilla do mundo? 
Adiante, preme na imaxe:

ou nestoutra:

Non se sabe cento por cento o que foi esta construcción fabulosa dos antigos Incas, pero sí que nela vivíu un guerreiro moi inquedo, o famoso PACHACUTI.

Os antigos Incas disque lles gustaba moito pelexar e non tiñan moita compaixon polos seus inimigos, e PACHACUTI era un dos máis guerrilleiros. Menos mal que atopamos esta canción en inglés na que dan unha imaxe máis divertida del:

Outro emperador moi coñecido foi CUZCO, que seguro lembras dunha película de Disney. Se non o coñeces, podes velo nestes vídeos.



¿Qué che parece se xogas un anaquiño e o axudas a gañar unha carreira antes de seguir lendo?

Ah, pero antes non esquezas colorealo, ¿vale?

MACHU PICCHU,estivo perdida durante centos de anos, e sempre hai lendas sobre cidades perdidas en Perú. Así que dende España mandamos ao noso explorador estrela, Tadeo Jones, buscalas.
 Bueno, máis ou menos...
Preme na imaxe e entra no mundo dos exploradores para xogar e desfrutar.

Antes de sair desta entrada, lembrámoste que en breve verás máis cousas sobre  nos blogues do CRA: viaxaras ata o deserto de NAZCA no PINTUREIRO e ata o lago TITICACA no TICS do CRA e nos das escolas e especialidades tamén.
E non esquezas facer alguns dos traballiños que che propoñemos:

O PERÚ en fichas

Publish at Calameo or read more publications.