Cleopatra, amiguiña. Visitamos...EXIPTO

Esta nosa MADLENKA segue de viaxe, alonxándose cada vez máis do noso pais. 

¿Queres saber cara ónde vai agora?

 Pois a un lugar cheo de misterio, maxia, historia e moitíiisima area.

É o fabulosísimo EXIPTO.

Xa sabes que podes facer o crebacabezas premendo na bandeira animada...

¿ Que aínda non sabes ben ónde queda EXIPTO?

Olla o mapa que ven deseguido e verás o camiño que hai que percorrer para chegar dende aquí ata aló...

EXIPTO está en ÁFRICA, que é un Continente cheo de animais, persoas, costumes, prantas, climas, paisaxes moi, moi diferentes aos nosos que somos europeos. 

Cleopatra, a amiguiña de MADLENKA ven de aló tan lonxe... e ten o nome dunha raiña exipcia moi especial.

En ÁFRICA teñen tamén o segundo río máis longo do mundo. 

  É o río NILO.

Vede que looooongo é...

Grazas a el xurdíu a civilización exipcia.

¡¡¡E ten CROCODILOS e todo!!!

EXIPTO  xurdíu na beira das augas do NILO vai moitíiiiisimos anos.Verás de que xeito tan sinxelo o explican neste vídeo tan ben feitiño:

¿ Queres máis cousas sobre EXIPTO e os seus habitantes? 

Pois aló imos...

Os exipcios falan o ÁRABE EXIPCIO que é unha lígua moi complexa
¿ Queres saber cómo soa o exipcio actual?
Preme nesta imaxe e verás como falan...

Antes en EXIPTO  falaban o EXIPCIO CLÁSICO.

O máis curioso do seu idioma era a escritura. 

¿ Sabías que os exipcios escribían en XEROGLÍFICOS? 

Eran uns signos moi curiosos que se grababan nas pedras o nunha especie de papel feito con plantas que era o PAPIRO.

Despois de remollalo, aplastalo e prensalo creaban con él unha pasta de  febras así de chulas...

Os ESCRIBAS encargábanse de escribilo e debuxalo. Traballaban sentados e eran moi coidadosos.

Esta estatua de escriba está agora no museo do Louvre.

Así de fermosos facían os seus escritos...

Agora xa non hai escribas como os de antes, pero nos atopamos un xeito de poñer O MUNDO ENTEIRO en xeroglífico. 

¿Queres velo?

Pois se queres poñer o teu nome en Xeroglífico Exipcio velahí van catro sitios onde facelo. 

¡¡Valo pasar xenial!!

¿Queres ler libros chulos sobre  EXIPTO? 

Na imaxe atoparás un enlace con alguns deles.

Pero de seguro que estás desexando ver un pouquiño deste pais tan exótico. Imos aló, cun vídeo estupendo de TINA Y LOS FIELTRONITOS, verás que ben nos contan as cousas máis turísticas de EXIPTO

Pode que che queden ganas de visitar máis tempo EXIPTO e de seguro que o vas poder facer vendo os MUSEOS e as Antigüedades da súa Historia que se conservan no Blogue PINTUREIRO e tamén desfrutando de xogos, contos e actividades no blogue de Tics do CRA (en breve)

Mais antes de sair olla este vídeo dunha chave misteriosa que oculta os segredos da pirámide. 
Se tes paciencia poderás xogar tamén con él.
Verás que che vai a encantar.

Por se queres facer a túa propia pirámide debuxamos esta para que colorees, recortes, dobres e pegues...mellor en DIN-A3 que é maís grande e doado de dobrar. 

 

Pero de prefires que xa che veña con cor éste modelo é ben xeitosiño...

Pódeche quedar así... 

¿Gustouche a viaxe? 

Pois saudiños...en Exipcio,

 iso sí...

¡¡Ma´a ElSalama!!

A AVOA GRIMM. Visitamos...ALEMAÑA.

MADLENKA segue a viaxar polo mundo.
Nesta volta queda en EUROPA de novo. 

Coa avoiña GRIMM descobre un país no medio do continente. 
É ALEMAÑA...

Xa sabes que se fas clic na bandeira poderás resolver o PUZZLE 

ALEMAÑA está un pouquiño máis lonxe que Italia, mais non tanto como o estaba a India.

Pódelo ver neste mapa:

En ALEMAÑA fálase o alemán, que é un idioma un pouco diferente ao noso. Pero ten unha certa semellanza co inglés, podes escoitalo neste alfabeto tan chulo:

 ou neste de animaliños..

Se tes curiosidade polas cores e os animais,  escoita estes peixes ...

Sen esquecer os números que tanto nos divirten...

Ou os días da semana..

ALEMAÑA ten moitas cousas curiosas de ver. 

A súa capital chámase BERLÍN e está situada aquí:

Pero hai moitas cidades especiais no país.

Olla cómo é agora.

Grazas a MARÍA BARCO, LUCÍA y ELVA NÚÑEZ polas súas maravillosísimas fotos. 

Apertas a todas, chicas!!

Algúns dos músicos e dos escritores de contos máis famosos do mundo naceron en ALEMAÑA. E de seguro que coñeces moitísimos dos contos tradicionais recollidos polos irmáns GRIMM, sen dúbida parentes da avoa veciña de MADLENKA.

Un dos contos favoritos de TICs é o de

 OS MÚSICOS DE BREMEN. 

¿Lembras a cidade que semellaba ser dun conto? 
Pois isa era BREMEN.

Neste conto dos irmáns GRIMM fálase moitísimo de BREMEN e da súa sona de cidade acolledora, divertida e de boa xente. 

Olla as aventuras destes catro animais na súa andaina por ALEMAÑA...

Axiña subiremos moitos contos dos irmáns GRIMM no blogue de TICs, verás que ben o pasas...
Namentres queda con este Castelo de Conto de Fadas, o famosísismo NEUSCHWANSTEIN, 

que encargou o rey Luís II de Baviera . 

Aquí tes a súa maqueta, pero vas precisar moita axuda dun maior...

Pódelo colorear on line ou imprimilo para podelo colorear onde precises...

Uns coñecidos nosos xa o visitaron vai tempo. ¿Queres velos?

Pero se o queres visitar on line, averiguar máis cousas del, facer a tua coroa,  ou xogar no propio Castelo, aquí o poderás facer.  
Benvid@ á páxina oficial do Castelo de NEUSCHWANSTEIN ...

¡¡AUF WIEDERSEHEN!!

A XEADERÍA de PAULO. Visitamos...Italia

 MADLENKA  atopa na rúa a Paulo, o seu amigo o xeadeiro Italiano. Así que a nosa visita vainos levar a descubrir a fermosísima ITALIA

A súa Bandeira tamén tres cores:

verde, branca e vermella. 

Poderás resolver o puzzle facendo clic na imaxe.

 ITALIA está preto de nós, tamén pertence a Europa..

Para que o aprecies mellor velahí tes este mapa:

Nós somos os de lunares e Italia ten raias.

O idioma de  ITALIA é o italiano que ten un son moi, moi divertido. ¿ Quérelo escoitar?

Vaia como adianto esta canción tan fermosa que algúns coñeceredes doutros anos no blogue de Tics.

Aquí está a letra por se a queredes cantar...

Visto no blogue de Massimo Penessi ( Gianni Rodari, el poder de la imaginación )

O alfabeto italiano é moi semellante ao noso, neste vídeo verás como se dín as letras en Italiano:

tamén podes aprender nomes de animais cos seus sons:
son moi graciosos, escoita...

Xogar coas letras sempre é divertido, e se é en Italiano máis aínda. Xa verás canto se asemella ao castelán e ao galego...

¿Queredes facer unha visita moi rápida por este pais mediterráneo?
 Pois adiante, veredes qué bonito e monumental é...


Como sempre dámoslle as grazas a MARÍA BARCO e neste caso tamén a SULEIKA polas súas maravillosas fotos.
 E tamén a Miniaturas Ramirez por nos prestar eses gladiadores cabezóns tan chulos. Están baseados nos fabulosos debuxos de 
Enrique V. Vegas.
Se queredes visitar a súa páxina picade no debuxo.

De gladiadores romanos vai esta serie, chamada Academia de Gladiadores.

Aquí temos unha pequena recreación histórica do mundo dos gladiadores. Tamén ten un xogo ao final da animación que é estupenda...

Xa viches ao soldados romanos, qué forma tan curiosa tiñan de prepararse para a loita. No seguinte vídeo podes ver unhas das súas técnicas que mesmo semellan bailes.

Se aínda tes ganas de seguir xogando pódeste apuntar á Maratón de Gladiadores, ¿anímaste?

Dentro das cidades romanas da antigüedade a vida era casi, casi así...

Amig@s, se queres ter un casco como o deste CENTURIÓN romano podelo facer seguindo estas instruccións.

Se queres velo na páxina orixinal preme na imaxe

Mais non todo vai ser historia do imperio romano: xa sabes que no PINTUREIRO podes atopar arte de ITALIA e no blogue de TICS nesta volta atoparás xogos de cociña e máis cousas sobre o pais da bota. E en todos os demáis blogues do CRA de seguro que atopas cousas interesantísimas.

Antes da despedida lembrar que ITALIA e o pais de grandes músicos e da OPERA, un dos xéneros musicais máis apaixoantes, xa que nel mézclanse o teatro e a música.

Algunhas óperas moi chulas feitas como contos están neste enlace.

E aquí tedes un compositor italiano que fixo óperas moi divertidas e ademáis foi un grande cociñeiro. Descobre cousas sobre él neste gloster collido do blogue Ssissimonea. Atoparás puzzles, vídeos, sorpresas e receitas.

Se queres velo máis grande preme baixo a palabra Glogster, onde pon VIEW FULL SIZE ou enriba da bandeira de Italia pendurada á dereita.

A DIVERTIRSE

¡¡¡¡ARRIVEDERCI!!!!

O KIOSKO do SEÑOR SINGH. Visitamos...India.

Nesta volta MADLENKA para na tenda do señor SINGH, o quiosqueiro, e chegamos ata INDIA.

Esta é a súa bandeira e ten tres cores: 

azafrán , blanco e verde.

Xa sabes que se premes nela poderás facer o puzzle. 

No medio leva unha roda superchula que ten 24 radios!!!!!! un por cada hora do día. ¿ a que é curioso?

A INDIA está un pouco lonxe de nós.

Podédelo ver neste mapa. 

No conto de ANTÓN e POMPÓN  e os NENOS DO MUNDO
 do ilustrador galego ANXO FARIÑA
 podemos atopar a unha nena que vive na INDIA, nós a chamamos INDIRA e ista é a súa páxina...

Se che apetece xogar a lle poñer un sari diferente, podes facelo neste xogo tan chulo que atoparon na escola de Silvoso.

¿Viches o que levaba INDIRA na fronte? É unha especie de lunar pintado. Segundo os leven homes ou mulleres ten un nome diferente.

¿Queres coñecelo?

Preme na foto para saber máis.

¿Coñeces ao rapaz que está na dereita da imaxe? Pois é MOGWLI, do libro 

"O LIBRO DA SELVA" de Rudyard Kipling.

Walt Disney fixo unha película moi famosa sobre este libro e nela podemos ver animais que viven na india e bailar con eles...Anímate!!!

A marcha dos elefantes...

E a festa dos monos...

Na selva está ese templo tan chulo onde viven o rei LOUIE e os seus amigos, 

pero INDIA ten palacios marabillosos como o 
TAJ MAHAL, 
que é preciosísimo.

 Se queres pintalo preme aquí.

Para saber máis sobre INDIA podes ver esta presentación tan chula que fixeron no CEIP San Félix de Asturias.

La India from CEIP San Félix

Se queres facer unha viaxe rapidiña pola INDIA coas fotos que nos emprestou MARÍA BARCO ( grazas de novo, María) podes facelo vendo este vídeo feito dende o CRA.

¿Viches as dúas festas tan curiosas que teñen?
Falaremos do 
HAPPY HOLI

Como é mellor velo que contalo, vede que ben o pasan lanzándose auga e cores para desexarse sorte na primavera...

Outra festa chulísima é a dos Elefantes que de seguro que te chamou a atención.
Se queres ver o que lle aconteceu a unha elefanta de moi, moi mala memoria, só tes que ver o vídeo de VIPO

Non esquezas xogar cos novos xogos da banda lateral esquerda, hai cousas moi chulas sobre India ( lembra que está en ASIA) . 
No blogue de PINTUREIRO atoparas xogos sobre MANDALAS
 e no de TICs máis cine e xogos .